Përfaqësuesi i PD-së në Këshillin Politik, Oerd Bylybashi dhe ai i LSI-së, Petrit Vasili janë shfaqur të dyzuar në deklaratën e tyre për mediat në lidhje me ndryshimet në Kodin Zgjedhor. Nga njëra anë kundërshtojnë më forcë heqjen e koalicioneve të përbëra dhe ndryshimet në Kodin Zgjedhor ku pritet të miratohen në seancën e nesërme, nga ana tjetër shprehen se edhe po u votuan ata fitojnë gjithsesi dhe Rama e ka të siguruara fitoren. Bykykbashi shprehet se Rama theu marrëveshjen e 14 janarit dhe po i përdor truket me koalicionet që të reduktojë humbjen e tij në zgjedhjet e 25 prillit. Ish deputeti i PD-së, tha se Rama nuk mund të ndryshojë rregullat e lojës 7 muaj para zgjedhjeve pasi cenon standardet e OSBE-së dhe Këshillit Europian
?Jemi në atë gjendjen ku është Reforma Zgjedhore në prag të votimit nesër në parlament. U ngrit në bazë të marrëveshjes së 14 janarit. Që kishte konsensusin mes partive, mazhorancës opozitës parlamentare dhe Opozitës së Bashkuar. I vetmi instrument për Reformë konsensuale. Një nga 15 kushtet e BE. 14 janari shtoi bazat për marrëveshjen, që konkludoi në të gjitha parametrat që Këshilli Politik miratoi më pas më 30 qershor tekstin integral konsensual. Ky tekst që më 23 korrik u miratua në parlament, pa asnjë ndryshim. Kjo Reformë Zgjedhore që garantoi konsensus për të rritur standardin e zgjedhjeve të 25 prillit 2021. Solli instrument shtesë, që zgjedhjet e 2021 të kishte sa më pak probleme, dhe t?i priteshin duart partisë në pushtet që të manipulonte. Me votimin e nesërm, të bazuar mbi miratimin e njëanshëm, Rama shkatërron marrëveshjen e 14 janarit, konsensusin e Këshillit Politik dhe 5 qershorin. Duke ndërhyrë drejtpërdrejt në elementë të 5 qershorit. U miratuan më 30 qershori, dhe parlamenti i bëri ligj më 23 korrik. Ndërhyrjet e nesërme do të krijojnë konfuzion, si do të funksionojë sistemi zgjedhor. Bëhet se si Rama të reduktojë humbjen e tij në zgjedhjet e ardhshme. Asnjë truk nuk do të ndalë atë që më 25 prill do te jetë fundi politik, dhe fitoren e opozitës. Në të gjithë përpjekjen e tij për të thënë që procesi i Reformës që po e përmbyll në mënyrë të njëanshme, është përpjekje për të bër Këshillin Politik për njëanshmëri të ndryshimeve kushtetuese, po heq mundësinë që partitë të garojnë në koalicion që e mund në 12 qarqe", tha Bylykbashi.
