http://www.vizionplus.tv https://facebook.com/VizionPlusTV https://twitter.com/VizionPlusTV Tre protestues të Unazës së Re të cilët prej muajsh kanë bllokuar qarkullimin në shenjë proteste kundër zgjerimit të rrugës që prek banesat e tyre, kanë rënë në prangat e policisë.Të shoqëruarit janë Ilir Katiraj, Skender Doda dhe Gramoz Shehu. Shoqërimi i këtyre personave ka ardhur për shkak të bllokimit të rrugës tek Unaza e Re pranë zonës së Astirit, më datë 7 tetor, një ditë para se të hynin në fuqi ndryshimet në kodin penal.Ndalimi i tre protestuesve nga policia ka bërë që banorët e Unazës së Re të nisen për te drejtoria e Policisë së Tiranës për të kërkuar lirimin e të ndaluarve me akuzën e bllokimit të rrugës gjatë protestës.
