Subscribe në Ora News këtu http://bit.ly/1s5j7UT
Deputeti i Partisë Socialiste, Alket Hyseni, e ndryshoi statusin në të cilin i drejtohej me fjalën autik ish-kryeministrit Sali Berisha, por gjuha e përdorur shkaktoi reagime të forta. Psikologë, por edhe prindër të fëmijëve më aftësi të veçanta kërkuan largimin e tij nga politika.
?Ç`faj ka familja jote bamirëse që ti vret çdo ditë etikën, estetikën, kulturën dhe moralin me fjalët dhe veprimet e tua prej autiku politik. S`po ja del dot me fonde të dyshimta pikturash që të shërojë autizmin tënd?.
Këto fjali që deputeti Alket Hyseni ia adresoi ish-kryeministrit Sali Berisha shkaktuan një stuhi reagimesh në rrjetet sociale.
Përdorimi i fjalës autik u cilësua nga prindër dhe psikologë si mungesë ndjeshmërie ndaj fëmijëve me aftësi të veçanta.
Afërdita Seiti, drejtore e ?Shoqatës Ndihmoni jetën? në të cilën ofrohen shërbime për fëmijët me çregullime të spektrit autik, por edhe nëna e një fëmijë me aftësi ndryshe, thotë se deklarata e ka indinjuar.
Afërdita Seiti: Ne presim që të na mbështesin fëmijët tanë në rrugën e tyre të jetës, ne presim që ata të mbështesin të gjitha këto politika sociale për ti çuar përpara dhe për të përmirësuar jetën e fëmijëve tanë. Në këtë moment ata të përdorin në zhargonin e tyre politik gjendjen e fëmijëve tanë. Kjo është e rëndë.
Për më shumë lexoni në: http://oranews.tv/article/e-etiketoi-berishen-si-autik-vale-reagimesh-kunder-deputetit-socialist-alket-hyseni
