Trupi i pajetë i një personi të akuzuar për vrasje të mbetur në tentativë, u gjet i vrarë mesditën e kësaj të hëne në një përrua të fshatit Kuç, në Vlorë.
Viktima është Dashamir Zeneli 35 - vjeç, i liruar vetëm pak ditë më parë nga burgu. Ishin banorë të zonës që lajmëruan policinë, pasi gjetën të vrarë me një plumb në kokë 35 - vjeçarin.
Zeneli ishte arrestuar nga policia e Vlorës më 16 tetor të vitit të kaluar, pasi kishte kanosur me armë një person në një lokal të fshatit Kuç.
Po ashtu gjatë arrestimit, në muajin tetor, policia i kishte bllokuar Zenelit, edhe dy automatikë dhe disa municione. Policia tha se po heton si shkak të mundshëm të krimit, hakmarrjen që lidhet me konfliktin e muajit tetor, por edhe disa përplasje që viktima ka pasur me persona të tjerë.
Tv Klan
