Subscribe në Ora News këtu http://bit.ly/1s5j7UT
Parku tek ish-Fusha e Aviacionit po rikonstruktohet tërësisht nga Bashkia e Tiranës dhe projekti përfshin edhe ndërtimin e një këndi lojërash, një fushe basketbolli dhe këndit të forcës. Punimet për rehabilitimin e zonës i inspektoi kryetari i bashkisë së Tiranës, Erion Veliaj, i cili tha se kënde lojërash për fëmijët do të ketë në të gjitha njësitë e kryeqytetit.
Një kënd i ri lojërash po ndërtohet për fmëijët tek ish-Fusha e Aviacionit, një zonë e cila po rikonstruktohet tërësisht nga Bashkia e Tiranës për tu kthyer në një hapësirë argëtimi e rekreacioni edhe për të rinjtë dhe të moshuarit. Për kryebashkiakun e Tiranës, Erion Veliaj, i cili inspektoi punimet në këtë zonë, synimi është që hapësira argëtuese për fëmijët të ketë në të gjitha njësitë.
Veliaj: ?Vjet, në 1 qershor, premtuam se përveç këndit të lodrave te Liqeni Artificial, do kishim nga një kënd të tillë në të gjitha njësitë e Tiranës urbane. Ende pa u mbushur viti, e kemi tejkaluar premtimin. Do të thotë që, kur bashkia lejohet të punojë, jo vetëm mbaron këndet e mëdha të lodrave, si ai tek parku i Liqenit apo në Yzberisht, por shkon në çdo lagje. E dimë se jo të gjitha banorët e kanë mundësinë t?i çojnë fëmijët përditë te Liqeni, por tani fëmijët e tyre e kanë më kollaj të luajnë brenda territorit të lagjes së tyre, në komunitetin e tyre, pranë pallatit?
Veç këndit të lojërave që është i 13-ti për kryeqyetin, projekti te ish Fusha e Aviacionit përfshin edhe rehabilitimin e gjithë zonës përreth.
Për më shumë lexoni në: http://www.oranews.tv/vendi/rrjeti-i-vullnetareve-bashkia-e-tiranes-hap-aplikimet-online/
